ఆరాధన

అరె ఏమైందీ….

గానం :బాలు, జానకి

సంగీతం : ఇళయ రాజా

పల్లవి :

అరె ఏమైందీ….ఒక మనసుకు రెక్కలొచ్చి ఎక్కడికొ ఎగిరిందీ
అది ఏమైందీ…తన మనిషిని వెదుకుచు ఇక్కడొచ్చి వాలిందీ
కలగాని… కలయేదొ… కళ్ళెదుటే నిలిచిందీ
అది నీలొ మమతను నిద్దురలేపింది
అరె ఏమైందీ…..ఒక మనసుకు రెక్కలొచ్చి ఎక్కడికొ ఎగిరిందీ
అది ఏమైందీ….

చరణం :

నింగివంగి నేలతోటీ నేస్తమేదో కోరిందీ
నేల పొంగి నింగికోసం పూలదోసిలిచ్చింది
పూలు నేను చూ..డలేదూ పూజలేవి చే..యలేదు
నేలపైన కాళ్ళులేవు నింగి వైపు చూపులేదు
కన్నెపిల్ల కళ్ళలోకి ఎన్నడైన చూశావో
కానరాని గుండెలోకి కన్నమేసి వచ్చావో
అది దోచావో…..లలలలా..లలల...లలలల

చరణం :

బీడూలోన వాన చినుకు పిచ్చిమొలక వేసింది

పాడలేని గొంతులోన పాటా ఏదొ పలికింది
గుండె ఒక్కటున్న చాలు గొంతు తానె పాడగలదు
మాటలన్ని దాచుకుంటే పాట నీవు వ్రాయగలవు
రాతరాని వాడి రాత దేవుడేమి వ్రాసాడో
చేతనైతె మార్చి చూడూ వీడు మారిపోతాడు
మనిషౌతాడు
అరె ఏమైందీ….ఒక మనసుకు రెక్కలొచ్చి ఎక్కడికొ ఎగిరిందీ
అది ఏమైందీ…తన మనిషిని వెదుకుచు ఇక్కడొచ్చి వాలిందీ