ఏ దివిలో విరిసిన పారిజాతమో...(కన్నెవయసు)

ఏ దివిలో విరిసిన పారిజాతమో...

గానం: ఎస్.పి.బాలసుబ్రమణ్యం
సంగీతం: సత్యం
రచన : దాశరధి

పల్లవి : ఏ దివిలో విరిసిన పారిజాతమో..ఏ కవిలో మెరిసిన ప్రేమగీతమో
నా మదిలో నీవై నిండిపోయెనే...
ఏ దివిలో విరిసిన పారిజాతమో..ఏ కవిలో మెరిసిన ప్రేమగీతమో

నీ రూపమే దివ్యదీపమై
నీ నవ్వులే నవ్యతారలై
నా కన్నుల వెన్నెల కాంతి నింపెనే

ఏ దివిలో విరిసిన పారిజాతమో..ఏ కవిలో మెరిసిన ప్రేమగీతమో

చరణం : పాలబుగ్గలను లేతసిగ్గులో పల్లవించగా రావే
నీలిముంగురులు పిల్లగాలితో ఆటలాడగా రావే
కాలి అందియలు ఘల్లుఘల్లుమన రాజహంసలా రావే

ఏ దివిలో విరిసిన పారిజాతమో..ఏ కవిలో మెరిసిన ప్రేమగీతమో

చరణం : నిదురమబ్బులను మెరుపుతీగవై కలలు రేపినది నీవే
బ్రతుకు వీణపై ప్రణయరాగములు ఆలపించినది నీవే
పదము పదములో మధువులూరగా కావ్యకన్యవై రావే

ఏ దివిలో విరిసిన పారిజాతమో..ఏ కవిలో మెరిసిన ప్రేమగీతమో

మరో చరిత్ర

ఈ పాట తో "గీతాంజలి" 50 పాటలు పూర్తి చేసుకుంది

ఏ తీగ పూవునో
గానం : పి.సుశీల, కమల్ హసన్
రచన : ఆత్రేయ
సంగీతం : విశ్వనాథన్

పల్లవి :ఏ తీగ పూవునో ఏ కొమ్మ తేటినో
కలిపింది ఏ వింత అనుబంధమౌనో

అప్పడియన్న ?
హ హ హ అర్ధం కాలేదా ?

ఏ తీగ పూవునో ఏ కొమ్మ తేటినో
కలిపింది ఏ వింత అనుబంధమౌనో
తెలిసీ తెలియని అబిమానమౌనో

చరణం : మనసు మూగది మాటలు రానిది
మమత ఒకటే అది నేర్చినది

ఆహా...అప్పడియా...
ఆ...పేద్ద అర్ధం అయినట్టు...

భాష లేనిది బంధమున్నది
మన ఇద్దరినీ జత కూర్చినది
మన ఇద్దరినీ జత కూర్చినది

ఏ తీగ పూవునో ఏ కొమ్మ తేటినో
కలిపింది ఏ వింత అనుబంధమౌనో
తెలిసీ తెలియని అబిమానమౌనో

చరణం : వయసే వయసును పలకరించినది
వలదన్నా అది నిలువకున్నది

హే... నీ రొంబ అళహా ఇరికే
హా..రొంబా? అంటే ?

ఎల్లలు ఏవీ వొల్లనన్నది
నీదీనాదోక లొకమన్నది
నీదీనాదోక లొకమన్నది

ఏ తీగ పూవునో ఏ కొమ్మ తేటినో
కలిపింది ఏ వింత అనుబంధమౌనో
తెలిసీ తెలియని అబిమానమౌనో

చరణం :తొలిచూపే నను నిలవేసినది
మారుమాపై అది కలవరించినది

నల్ల పొన్ను...అంటే నల్ల పిల్లా...

మొదటి కలయికే ముడివేసినది
తుదిదాకా ఇది నిలకడైనదీ
తుదిదాకా ఇది నిలకడైనది

ఏ తీగ పూవునో ఏ కొమ్మ తేటినో
కలిపింది ఏ వింత అనుబంధమౌనో
తెలిసీ తెలియని అబిమానమౌనో

నిన్నే పెళ్ళాడతా

కనుల్లో నీ రూపమే..
గానం: హరిహరన్,చిత్ర
సంగీతం : సందీప్ చౌతా

పల్లవి :కనుల్లో నీ రూపమే
గుండెల్లో నీ ధ్యానమే
నా ఆశ నీ స్నేహమే
నా శ్వాస నీ కోసమే
ఆ ఊసునీ తెలిపేందుకు నా భాష ఈ మౌనమే

కనుల్లో నీ రూపమే...గుండెల్లో నీ ధ్యానమే
నా ఆశ నీ స్నేహమే...నా శ్వాస నీ కోసమే

చరణం :మదిదాచుకున్న రహస్యాన్ని వెతికేటి నీ చూపు నాపేదెలా
నీ నీలికన్నుల్లో పడి మునకలేస్తున్న నా మనసు తేలేదెలా
గిలిగింత పెడుతున్న నీ చిలిపి తలపులతో ఎమో ఎలా వేగడం

కనుల్లో నీ రూపమే...గుండెల్లో నీ ధ్యానమే
నా ఆశ నీ స్నేహమే...నా శ్వాస నీ కోసమే

చరణం :అదిరేటి పెదవుల్ని బతిమాలుకున్నాను మదిలోని మాటేదనీ
తలవంచుకుని నేను తెగ ఎదురుచూసాను నీ తెగువ చూడాలనీ
చూస్తూనే వేళంత తెలవారి పోతుందో ఎమో ఎలా ఆపడం

కనుల్లో నీ రూపమే...గుండెల్లో నీ ధ్యానమే
నా ఆశ నీ స్నేహమే...నా శ్వాస నీ కోసమే
ఆ ఊసునీ తెలిపేందుకు నా భాష ఈ మౌనం !

కనుల్లో నీ రూపమే...గుండెల్లో నీ ధ్యానమే
నా ఆశ నీ స్నేహమే...నా శ్వాస నీ కోసమే

Mr.మేధావి

కళ్ళు కళ్ళతో కలలే చెబితే...

సంగీతం : చక్రి
రచన : కందికొండ
గానం: చిత్ర

పల్లవి : కళ్ళు కళ్ళతో కలలే చెబితే
మనసు మనసుపై అలలా పడితే

కళ్ళు కళ్ళతో కలలే చెబితే
మనసు మనసుపై అలలా పడితే
కొత్త కొత్తగా చిగురించేదే ప్రేమా !

చూపు చూపుతో చిరు ఢీ కొడితే
నవ్వు నవ్వుతో స్నేహం కడితే
నిన్న లేనిదీ నేడు చేరితే ప్రేమా !!

అందంగా అందంగా .. పెనవేస్తూ బంధంగా
చేస్తుందీ చిత్రంగా .. బ్రతుకంతా మధురంగా

మది వేగం పెరిగితె ప్రేమా
హృదిరాగం పలికితె ప్రేమా
ఎదలేకం ఐతే మౌనం తొలిప్రేమా !

దిల్ మే ప్యార్ హై .. మన్ మే ఇష్క్ హై

కళ్ళు కళ్ళతో కలలే చెబితే
మనసు మనసుపై అలలా పడితే
కొత్త కొత్తగా చిగురించేదే ప్రేమా !

ఉండదుగా .. నిదరుండదుగా .. మరి ఊహల వలనా
ఇక అల్లరులే శృతిమించెనుగా .. ప్రతి రేయిలో కలనా
ఇది అర్ధం కానీ మాయా .. ఏదో తీయని బాధా

చెప్పకనే చేరీ అది చంపేస్తుందీ మైకానా
స్వప్నాలే చల్లీ ఇది ముంచేస్తుంది స్వర్గానా

ఊహకు కల్పన ప్రేమా
మది ఊసుల వంతెన ప్రేమా
ఈ గుప్పెడు గుండెలో ఉప్పెన ఈ ప్రేమా !

దిల్ మే ప్యార్ హై .. మన్ మే ఇష్క్ హై

కళ్ళు కళ్ళతో కలలే చెబితే
మనసు మనసుపై అలలా పడితే
కొత్త కొత్తగా చిగురించేదే ప్రేమా !

తొందరగా వివరించాలీ ఈ తీయని దిగులూ
మరి ఒప్పుకుని అందించాలి తన నవ్వుతో బదులూ
సరికొత్తగ ఉందీ అంతా .. అరె ఎన్నడులేనీ వింతా

తానుంటే చాలూ వాసంతం నాకై వస్తుంది
ఆనందం అంతా దాసోహం నాకే అవుతుంది

ఇది గుసగుసలాడే ప్రేమ
నను త్వరపెడుతుంది ప్రేమ
తొలిసారిగ అందితె హాయే ఈ ప్రేమా !

కళ్ళు కళ్ళతో కలలే చెబితే
మనసు మనసుపై అలలా పడితే
కొత్త కొత్తగా చిగురించేదే ప్రేమా !

చూపు చూపుతో చిరు ఢీ కొడితే
నవ్వు నవ్వుతో స్నేహం కడితే
నిన్న లేనిదీ నేడు చేరితే ప్రేమా

చందమామ

నాలో ఊహలకు...

ఈ మధ్యనే ఈ సినిమా చూశాను,ఎప్పటిలాగానే కృష్ణ వంశీ మార్కు సాంప్రదాయం,మోడ్రెన్ లుక్ రెండూ ఉన్నాయి,సింధు నటన నచ్చింది.పాటలు కూడా బాగానే ఉన్నాయి.ఓవరాల్ గా బాగుంది...

సంగీతం: కె.ఎం.రాధాకృష్ణన్
గానం: ఆశా భోస్లే

పల్లవి :నాలో ఊహలకు
నాలో ఊసులకు అడుగులు నేర్పావూ
నాలో ఆశలకు
నాలో కాంతులకు నడకలు నేర్పావూ

పరుగులుగా ...
పరుగులుగా అవే ఇలా ఇవాళ నిన్నే చేరాయీ...
నాలో ఊహలకు..నాలో ఊసులకు అడుగులు నేర్పావూ...

చరణం : కళ్ళలో...మెరుపులే
గుండెలో...ఉరుములే
పెదవిలో...పిడుగులే
నవ్వులో...వరదలే

శ్వాసలోనా...పెనుతుఫానే... ప్రళయమవుతుంది ఇలా...

నాలో ఊహలకు నాలో ఊసులకు అడుగులు నేర్పావూ
నాలో ఆశలకు నాలో కాంతులకు నడకలు నేర్పావు

చరణం : మౌనమే...విరుగుతూ
బిడియమే...ఒరుగుతూ
మనసిలా...మరుగుతూ
అవధులే...కరుగుతూ
నిన్ను చూస్తూ,ఆవిరవుతూ... అంతమవ్వాలనే...

నాలో ఊహలకు నాలో ఊసులకు అడుగులు నేర్పావూ
నాలో ఆశలకు నాలో కాంతులకు నడకలు నేర్పావూ

పరుగులుగా ...
పరుగులుగా అవే ఇలా ఇవాళ నిన్నే చేరాయీ...

నాలో ఊహలకు...నాలో ఊసులకు అడుగులు నేర్పావూ...
నాలో ఆశలకు నాలో కాంతులకు నడకలు నేర్పావూ

జై

ఎన్ని ఆశలో..
గానం : శ్రేయ ఘోషల్
సంగీతం : అనూప్ రుబెన్స్
రచన : కులశేఖర్

పల్లవి : ఎన్ని ఆశలో చిన్ని గుండెలోనా
ఎంత అల్లరో మల్లె మనసులోనా
తీయనీ బాధ ఏమిటో
ఆపినా ఆగదేమిటో
ఉన్నమాటలే రాని వేళలో కొత్త మాటకై తొందరెమిటో
తెలుసునా చిలిపి ప్రాయమా
చరణం : గుండె గూటిలోనా నా కంటి పాపలోనా
చెప్పలేని సిగ్గులెందుకో
కొంటె ఊసులోనా ఈ కొత్త హాయిలోనా
పైట కొంగు జారెనెందుకో
గాలి అలలపైన ఉయ్యాలలూగుతున్న
మాట తాని నేను ఈ పాట పాడుతున్నా
ఎందుకోసమో ఎవరికోసమో తెలుసునా చిలిపి ప్రాయమా

ఎన్ని ఆశలో చిన్ని గుండెలోనా
ఎంత అల్లరో మల్లె మనసులోనా

చరణం : ఎన్ని రోజులైన ఈ వింత మోజు లోనా
ఆకలంటూ ఉండదేమిటో
ఎన్ని రాత్రులైనా ఎంత మాత్రమైనా
కంటి రెప్ప వాలదెందుకో
మూగ సైగలోనా మోగింది మౌన వీణ
పాల గుండె లోన పున్నాగ పూల వాన
ఎందుకోసమో ఎవరికోసమో తెలుసునా చిలిపి ప్రాయమా

ఎన్ని ఆశలో చిన్ని గుండెలోనా
ఎంత అల్లరో మల్లె మనసులోనా
తీయనీ బాధ ఏమిటో
ఆపినా ఆగదేమిటో
ఉన్నమాటలే రాని వేళలో కొత్త మాటకై తొందరెమిటో
తెలుసునా చిలిపి ప్రాయమా

శివ 2006

అప్పటికీ ఇప్పటికీ ఇళయరాజా సంగీతానికీ మొదటి స్థానమే...

ఏ ఊహలోనో తేలానేమో !
గానం: శ్రేయా ఘోషల్ , విజయ్ ప్రకాష్
సంగీతం : ఇళయరాజా

ఏ ఊహలోనో తేలానేమో
ఓ వింత లోకం చేరానేమో
నా కళ్ళలో మెరిసే కాంతులూ
ఇన్నాళ్ళలో లేవే ఎన్నడూ
ఈ క్షణం ఇదేమిటో మాయో హాయో తేలని

ఏ ఊహలోనో తేలానేమో
ఓ వింత లోకం చేరానేమో

మనకేం తెలుసు సమయం ఎటు పోయిందో
మురిసే మనసు అడగదు ఏమయిందో
మనకేం తెలుసు సమయం ఎటు పోయిందో
మురిసే మనసు అడగదు ఏమయిందో

నీలాల నీకళ్ళ లోతుల్లో మునిగాక తేలేది ఎలాగో మరి
వేవేల వర్ణాల తారల్ని తాకందే ఆగేనా ఈ అల్లరీ
ప్రియమైన బంధం బిగించే వేళలో
జతలోన అందం తరించే లీలలో
ఈ నేల పొంగి ఆ నింగి వంగి హద్దేమి లేనట్టు ముద్దాడుకున్నట్టు !

ఏ ఊహలోనో తేలానేమో
ఓ వింత లోకం చేరానేమో

నీలో నాలో ..ఆ .. ఆ
నీలో నాలో కరగని తలపుల దాహం
నువ్వో నేనో తెలియని ముడిపడు మోహం
నీలో నాలో కరగని తలపుల దాహం
నువ్వో నేనో తెలియని ముడిపడు మోహం

అణువు అణువు నిలువెల్ల రగిలించి కరిగించు కౌగిళ్ళలో
తాపాల దీపాలు వెలిగించి వెతకాలి నాలోని నువ్వెక్కడో
ఏ సూర్యుడో మనని లేపే లోపుగా
ఈ లోకమే మరిచి పోదాం కైపుగా
ఏ కంటిచూపు ఈ జంట వైపు రాలేని చోటేదో రమ్మంది లెమ్మంటు !

ఏ ఊహలోనో తేలానేమో
ఓ వింత లోకం చేరానేమో
నా కళ్ళలో..
నా కళ్ళలో మెరిసే కాంతులూ
ఇన్నాళ్ళలో..
ఇన్నాళ్ళలో లేవే ఎన్నడూ
ఈ క్షణం ఇదేమిటో మాయో హాయో తేలని

ఏ ఊహలోనో తేలానేమో
ఓ వింత లోకం చేరానేమో

పంతులమ్మ

మానసవీణా మధుగీతం...
సంగీతం: రాజన్-నాగేంద్ర
సాహిత్యం: వేటూరి
గానం: ఎస్.పి.బాలసుబ్రమణ్యం, పి.సుశీల

పల్లవి : మానసవీణా మధుగీతం
మన సంసారం సంగీతం
సాగర మధనం అమృత మధురం
సంగమ సరిగమ స్వర పారిజాతం

మానసవీణా మధుగీతం
మన సంసారం సంగీతం
సంసారం సంగీతం

చరణం : యే రాగమో ఏమో మన అనురాగం వలపు వసంతానా హృదయ పరాగం
ఆ.. ఆ
ఆ.. ఆ
యే రాగమో ఏమో మన అనురాగం వలపు వసంతానా హృదయ పరాగం
ఎదలోయలలో నిదురించిన నా కోరిక పాడే కోయిల గీతం
శతవసంతాల దశ దిషాంతాల సుమ సుగంధాల బ్రహ్మార నాదాల
కుసుమించు నీ అందమే విరిసింది అరవిందమై కురిసింది మకరందమే

మానసవీణా మధుగీతం
మన సంసారం సంగీతం
సంసారం సంగీతం

చరణం : జాబిలి కన్నా నా చెలి మిన్నా పులకింతలకే పూచిన పొన్నా
కానుకలేమి నేనివ్వగలను కన్నుల కాటుక నేనవ్వగలను
పాల కడలిలా వెన్నెల పొంగింది పూల పడవలా నా తనువూగింది
ఏ మల్లెల తీరాల నిను చెరగలనో
మనసున మామతై కడతేరగలనూ

మానసవీణా మధుగీతం
మన సంసారం సంగీతం
సంసారం సంగీతం

కురిసే దాకా అనుకోలేదు శ్రావణ మేఘమనీ
తడిసే దాకా అనుకోలేదు తీరని దాహమనీ
కలిసే దాకా అనుకోలేదు తీయని స్నేహమనీ

మానసవీణా మధుగీతం
మన సంసారం సంగీతం
సాగర మధనం అమృత మధురం
సంగమ సరిగమ స్వర పారిజాతం

మానసవీణా మధుగీతం
మన సంసారం సంగీతం
సంసారం సంగీతం
సంసారం సంగీతం

గాయం

అలుపన్నది ఉందా..

గానం: చిత్ర
సంగీతం: శ్రీ
సాహిత్యం: సిరివెన్నెల సీతారామశాస్త్రి

పల్లవి : అలుపన్నది ఉందా..ఎగిరే అలకు..ఎదలోని లయకు
అదుపన్నది ఉందా..కలిగే కలకు..కరిగే వరకు
మెలికెలు తిరిగే నది నడకలకు
మరి మరి ఉరికే మది తలపులకు
లల లలా లలలలలా

అలుపన్నది ఉందా..ఎగిరే అలకు..ఎదలోని లయకు
అదుపన్నది ఉందా..కలిగే కలకు..కరిగే వరకు

చరణం : నాకోసమే చినుకై కరిగి ఆకాశమే దిగదా ఇలకు
నా సేవకే సిరులే చిలికి దాసోహమే అనదా వెలుగు
అరారు కాలాల అందాలు బహుమతి కావా నా ఊహలకు
కలలను తేవా నా కన్నులకు
లల లలా లలలలలా

అలుపన్నది ఉందా..ఎగిరే అలకు..ఎదలోని లయకు
అదుపన్నది ఉందా..కలిగే కలకు..కరిగే వరకు

చరణం : నీ చూపులే తడిపే వరకు ఏమైనదో నాలో వయసు
నీ ఊపిరే తగిలే వరకు ఎటు ఉన్నదో మెరిసే సొగసు
ఏడేడు లోకాల ద్వారాల తలుపులు తెరిచే తరుణం కొరకు
ఎదురుగ నడిచే తొలి ఆశలకు
లల లలా లలలలలా

అలుపన్నది ఉందా..ఎగిరే అలకు..ఎదలోని లయకు
అదుపన్నది ఉందా..కలిగే కలకు..కరిగే వరకు
మెలికెలు తిరిగే నది నడకలకు
మరి మరి ఉరికే మది తలపులకు
లల లలా లలలలలా

నువ్వు నేను ప్రేమ

ప్రేమించే ప్రేమవా
గానం : శ్రేయ ఘోషల్
సంగీతం : A.R.రెహమాన్

పల్లవి : ప్రేమించే ప్రేమవా,ఊరించే ఊహవా,
ప్రేమించే ప్రేమవా పూవల్లే పుష్పించే,
నే నేనా అడిగా నన్ను నేనే,
నే నీవే హృదయం అన్నదే,
ప్రేమించే ప్రేమవా,ఊరించే ఊహవా,
ప్రేమించే ప్రేమవా పూవల్లే పుష్పించీ,

రంగు రంగోలి కోరింది నువుపెట్టే
రంగే పెట్టిన మేఘం విరిసి గాజుల సవ్వడి ఘల్ ఘల్,
రంగు రంగోలి కోరింది నువుపెట్టి
రంగే పెట్టిన మేఘం విరిసి
సుందరి,వందరి,చిందల ,వందల,చల్లని పున్నమి వెన్నల విందుల.

చరణం : పూవై నే పుస్తున్నా నీ పరువంగానే పుడతా,
మధుమాసపు మల్లెల మాటలు రగిలించే ఉసురే,
నీవే నా మదిలో ఆడ నేనే నీ మతమై రాగా,
నా నాడుల నీ రక్తం నడకల్లో నీ శబ్దం .... ఉందేమో,
తోడే దొరకని రోజు విల విల లాడేఒంటరి వీనం ..మ్మ్..,

ప్రేమించే ప్రేమవా,ఊరించే ఊహవా,
ప్రేమించే ప్రేమవా పూవల్లే పుష్పించే,
నే నేనా అడిగా నన్ను నేనే,
నే నీవే హృదయం అన్నదే

చరణం : నెల నెల వేడుక అడిగి నెలవంకల గుడి కడదమ,
నా పొదరింటికి వేరే అతిధులు రాతరమా ఆ...,
తుమ్మెద తేనెలు తేలె నీ మదిలో చోటిస్తావ,
నీ ఒదిగే ఎద పై ఎవరొ నిదురించ తరమా ఆ,
నీవే సంద్రం చేరి గల గల పారీ నది తెలుసా..,

ప్రేమించే ప్రేమవా,ఊరించే ఊహవా,
ప్రేమించే ప్రేమవా పూవల్లే పుష్పించీ,
నీ నేనా అడిగా నన్ను నేనే,
నీ నీవే హృదయం ఆనాడే,
ప్రేమించే ప్రేమవా,ఊరించే ఊహవా,
ప్రేమించే ప్రేమవా పూవల్లే పుష్పించీ,

రంగు రంగోలి కోరింది నువు పెట్టే
రంగే పెట్టిన మేఘం విరిసి గాజుల సవ్వడి ఘల్ ఘల్,
రంగు రంగోలి కోరింది నువుపెట్టి
రంగే పెట్టిన మేఘం విరిసి
సుందరి,వందరి,చిందల ,వందల,చల్లని పున్నమి వెన్నల విందుల.