అంతఃపురం

నాకు చాలా ఇష్టమైన పాట.............
వెన్నెల్లో నడిచే మబ్బుల్లాగ.....

గానం :చిత్ర
సంగీతం :ఇళయరాజా

కళ్యాణం కానుంది కన్నె జానకి కీ
వైభోగం రానుంది రామచంద్రునికి
దేవతలే దిగి రావాలి జరిగే వేడుకకీ
రావమ్మా సీతమ్మా సిగ్గు దొంతరలో
రావయ్యా రామయ్యా పెళ్ళి శోభలలో


పల్లవి : వెన్నెల్లో నడిచే మబ్బుల్లాగ
వర్షంలో తడిసే సంద్రంలాగా
ఊరేగే పువ్వుల్లో చెలరేగే నవ్వుల్లో
అంతా సౌందర్యమే అన్నీ నీ కోసమే - వెన్నెల్లో


చరణం : నాలో ఎన్ని ఆశలో అలల్లా పొంగుతున్నవి
నీతో ఎన్ని చెప్పినా మరెన్నో మిగులుతున్నవి
కళ్ళల్లోనే వాలి నీలాకాశం అంతా ఎలా ఒదిగిందో
ఆ గగనాన్నే ఏలే పున్నమిరాజు ఎదలో ఎలా వాలాడో
నక్షత్రాలన్నీ ఇలా కలలై వచ్చాయో ,చూస్తూనే నిజమై అవి ఎదుటే నిలిచాయో
అణువణువు అమృతంలో తడిసింది అధ్భుతంగా


చరణం : ఇట్టే కరుగుతున్నది మహా ప్రియమైన ఈ క్షణం
వెనుకకు తిరగనన్నది ఎలా కాలాన్ని ఆపడం
కదిలామంతే నేడు తీయని స్మృతిలా చేరి ఎటో పోతుంది
కావాలంటే చూడు ఈ ఆనందం మనతో తనూ వస్తుంది
ఈ హాయి అంతా మహా భద్రంగా దాచి, పాపాయి చేసి,
నా ప్రాణాలే పోసి, నూరేళ్ళ కానుకల్లే నీ చేతి కీయలేనా

ఆకాశం అంతఃపురమయ్యింది నాకోసం అందిన వరమయ్యింది
రావమ్మ మహరాణి ఏలమ్మా కాలాన్ని
అందీ ఈ లోకమే అంతా సౌందర్యమే....
ఆకాశం అంతఃపురమయ్యింది నాకోసం అందిన వరమయ్యింది....